سەرۆک هەرێم سەرەخوەشی ئەرا کەفتن هەلیکۆپتەریگ لە سوپای عراق کەێد
2021-07-29T10:54:38+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو پەنجشەممە، پرسە و سەرەخوەشی لە سوپای عراق و خیزانەیل تیم ئەو هەلیکۆپتەرە کرد ک شەفەق ئمڕوو کەفتە خوار.
بارزانی لە بەیاننامەیگ رەسیە ئاژانس شەفەق نیوز وت: و سەرەخوەشی و هاوخەمب لە سوپای عراق و خیزانەیل تیم هەلیکۆپتەرە سەربازیەگە کەم ک شەفەق ئمڕوو لە ناوچەی ئامرای لە مەوقەی جیوەجیکردن ئەرک جەنگاوەری کەفتە خوار، و بویە هووکار شەهیدبوین گشت تیمەگە.
وتیش؛ نزا لە خودای گەورە کەم گیان شەهیدەیل بخەێدە رەحمەت خوەی و سەبوورییان بەێد.
پەنج قوربانی سەربازی وە پلەی عەقید و یەکیگ وە پلەی رائید لەناویان بوی، لە وەخت نوویگ ئمڕوو پەنجشەممە بوینە قوربانی وە کەفتن هەلیکۆپتەریگ سەربازی عراقی، لە شار ئامرلی لە پارێزگای سەڵاحەدین.
