سەرۆک کۆمار عراق روی وەرەو داڤوس کەێد
2023-01-16T11:13:25+00:00
شەفەق نیوز/ عەبدولەتیف رەشید سەرۆک کۆمار عراق، ئمڕوو دووشەممە، لە عراق دەرچگ و روی وەرەو سویسرا کرد ئەرا بەشداریکردن لە دیدار ئابووری جەهانی لە داڤوس.
سەرۆکایەتی کۆمار لە بەیاننامەیگ رەسیە ئاژانس شەفەق نیوز وت: سەرۆک کۆمار لە سەردانەگەی ک فوئاد حسێن وەزیر دەرەوە وەگەردیە، ئەوەسا لە بڕیگ کۆڕ و دانیشتن گفتوگۆ لە کۆنگرەگە بەشداری کەێد، ئەرا باسکردن لە بڕیگ باوەت ک پەیوەندی وە ئاسایش خوەراک و ئەوزەڵکردن وەردەوامی و هاوبەشیەیل هەرێمی و ناودەوڵەتی کەێد، ئەرا پاڵپشتیکردن کەرتەیل وزە و کشتوکاڵی و ئاو و نواگیری ئاڵشتبوین کەشوهەوا و دژایەتی گەندەڵی و گەشەپێدان بینا ژیرینەیل و مقیەتیکردن کۆمەڵگا.
