سەرۆک کۆمار داوای لێکۆڵینەوەی کوتپڕ لە رووداو زیاندار خەسەخانەی ئبین خەتیب کەێد

 شەفەق نیوز/ سەرۆک کۆمار عراق پرسە و سەرەخوەشی لە خیزانەیل قوربانییەکان ئاگرەکەی خەسەخانەی ئبین خەتیب کرد، و داوای سزادان خاوەن کەموکوڕیەیل کرد.

سەرۆک بەرهەم ساڵح لە بەیاننامەیگ وت: وە دڵەیل پر ژانیگ، لە نزیکەو چەودیری ئەو رووداو زیاندارە کردیمن ک خەڵکەگەمان لە خەسەخانەی ئبین خەتیب لە بەغداد کەفتنە ناوی، و چرکە وە چرکە چەودیری ئەو راپۆرتەیلە کەیمن ک پەیوەندی وەوە دیرن.

وتیش؛ پشتگیری لە بڕیارەیل حکومەت و ئەنجومەن نۆێنەران کەیمن لە گرنگی وازکردن لێکۆڵینەوەیگ کوتپڕ لە هووکارەیل رووداوەگە و سزادان خاوەن کەموکوڕیەیل، و ئامادەباشی گشت تەقەلایل ئەرا چارەسەرکەردن زەخمدارەیل ئاگرەگە، و دەسخوەشی لە تیمەیل وەرگری مەدەنی و خۆبەخشەبل ئەرا رزگارکردن زەخمدارەیل کەیمن.