سەرۆک عراق و بلاسخارت باس لە ئەنجامدان هەڵبژاردنیگ دویر لە زاڵبوین چەک و جەخت کەن
شەفەق نیوز/ بەرهەم ساڵح سەرۆک کۆمار عراق، ئمڕوو سێشەممە، لە کۆشک ئاشتی پێشوازی لە جینین بلاسخارت نۆێنەر تایبەت ئەمیندار گشتی نەتەوە یەکگرتووەکان لە عراق کرد.
چەوپێکەفتنەگە باس وەگشتی گەشە سیاسی و ئەمنیەگان لە وڵاتەگە و ناوچەگە کرد، ک دووپات کریا لەبان گرنکی بتەوکردن دەسەڵات دەوڵەت و دەزگا ئەمنیەگان لە ئەنجامدان ئاسایش و ئارامی لە وڵاتەگە، و ریگردن لە دووارەبوین تاوانە تیرۆریەگان ک ژیان و دارایی خەڵکەگە خەنە وەر مەترسی، وەگەرد دابینکردن سەڵامەتی بینا حکومەتیەگان و شاندە دبلۆماسیەگان و تاکەیلیان لە پەلامارەگان، وەگورەی بەیاننامەیگ لە سەرۆکایەتی.
چەوپێکەفتنەگە هەمیش باس لە باوەت هەڵبژاردن هاتگ کرد ودووپاتکردن لەبان گرنگیی، و گرنگی ئامادەکردن رەوشەیل ئەمنی کونجایاگیگ ئەرا ئەنجامدانی دویر لە چەک و جەختەگان، و ئەوەیش وەگەرد دابینکردن گشت پێداویستیە هونەری و ئیدارەییەگان تر، وەشیوەیگ دەسپاکیی مسۆگەر بکەێد و ریگری لە دەسکاری وە بازیکردن وە خوازین دەنگدەرەگان.
هەمیش باس لە گەشەیل رەوشە هەرێمیەگان کریا، ک دووپات لە گرنگی سووکەوکردن ژاوەژاوەگان لە ناوچەگە کریا، و پابەندی عراق وە دویرەوکەفتن لە ململانەگان، و ئەوە رەت بکەێد ک بوودە مەیدانیگ ئەرا ململانەگان.
