سەڵاحەدین… مردن مەدەنییگ وە رویداو هاتوچو و هوشداری لە تەنیگ نامۆ دریەێد
2023-09-14T07:39:28+00:00
شەفەق نیوز/ سەرچەوەیگ ئەمنی لە سەڵاحەدین، ئمڕوو پەنجشەممە، خەوەردا لە مردن مەدەنییگ وە رویداو هاتوچو لە باشوور خوەرهەڵات تکریت ناوەن پارێزگاگە.
سەرچەوەگە وە ئاژانس شەفەق نیوز وت، مەدەنییگ وە مدوو پلیان ماشینەگەی گیان لەدەسدایە لەبان ری ناحیەی موعتەسەم باشوور خوەرهەڵات تکریت، و دەسوەجی بویەسە هووکار مردنی، ئاشکەرایکرد، تەرم قوربانیەگە ئەرا پزیشک دادوەری کلکریاس و دەسڵاتدارەیل هاتوچو لێکۆڵینەوە لە رویداوەگە وازکردنە.
هەر لە سەڵاحەدین، وەڕیوبەرایەتی دژە مادەی تەقەمەنی راگەیان 16 وەجیماگەی جەنگ پەیاکردنە لە شار تکریت ناوەن پارێزگاگە.
لەبەیاننامەیگ رەسیە ئاژانس شەفەق نیوز وت، ئاگاداری رەسیەسە پسپۆرەیل وەڕیوبەرایەتی دژە تەقەمەنی پارێزگای سەڵاحەدین تەنەیلیگ نامۆ لە ناو شار تکریت و دەسوەجی مەفرەزەیگ تایبەت روی کردیە ئەرا شوین رویداوەگە لەدویای وشکنین دەرچگە 16 وەجیماگەی جەنگی کۆمەڵەی تیرۆستەیل بوینی هەس، دووپاتکرد وەپای رێکارەیل چارەسەرکریایە.
