زورباتیە پڕ لە زیارەتچیەیل ئیرانی بوود.. وەکامیرای ئاژانس شەفەق نیوز
کامیرای ئاژانس شەفەق نیوز، کرتەیلیگ توومار کرد، ک نشان تەکان زیارەتچیەیل ئیرانی وەرەو ناو عراق دەن، ئەوەیش لە یەکیگ لە مەرزەیل، ک ئەرا شار کەربەلا وە زیارەت چلەی ئیمام حسێن چن.
وینەیل نشان وەناوهاتن وەردەوام هەزاران زیارەتچیەیل ئیرانی لەڕی مەرز زورباتیە لە پارێزگای واست عراقی دان.
وەگورەی ئامارەیل، شمارەی زیارەتچیەیل وە ئاست سەد لەسەد بەرزەو بوی، ک وەڕیەوبەرایەتی هاتوچو ئیران ئویشێد: قەرەباڵغی گەورەیگ هەس رەسێدە درویژی ١٥ کیلومەتر، و هەزاران لە ماشینەیل زیارەتچیەیل گردەو بوینە.
لەوەختیگ کاروانەیل زیارەتچیەیل ئیرانی روی وەرەو مەرزەیل سنووری کنار عراق کردنە، رویداوەیلیگ هاتوچو بوی، و شەکەتی ومەینەتی کەفتە وەر بەشیگ لە زیارەتچیەیل بیمار و گەورە تەمەنیل، ک شمارەیگ لەلیان رەسینە مردن.
تا دویەکە شەممە، سەرچەوەیگ لە مەرزەیل سنووری عراق ئاشکرای هاتن نزیکەی دوو مەلیۆن زیارەتچی ئەرا عراق کرد، چ لە مەرزەیل هشکایی یا ئاسمانی، و شمارەی ئەوانەگ گلەو خواردنە لە خود مەرزەیل رەسیە زیاتر لە ٣٥٠ هەزار کەس.
