زەویلەرزەیگ وە هاز ٣ پلە دەێد لە باکور سەڵاحەدین
2026-09-17T16:08:51+00:00
شەفەق نیوز - سەڵاحەدین
بەش توومار زەویلەرزەیل لە دەسەی گشتی کەشناسی، ئمڕوو پەنجشەممە، خەوەردا لە توومارکردن زەویلەرزەیگ وە هاز 3 پلە لەبان پەیمانەی رێختەر، لە باکور پارێزگای سەڵاحەدین.
وەڕیوەبەر بەشەگە عەلی عەبدولخالق، وە ئاژانس شەفەق نیوز وت: زەویلەرزەگە لە قەزای بێجی باکور پارێزگای سەڵاحەدین توومارکریاس.
وتیش؛ یە لە چوارچمگ چالاکی زەویلەرزەیلە کە ناوچەیل عراق وە خوەی دویندێد، دیاریکرد، تیمەیل وەردەوامن لە وەدویاچگن و تومارکردن زەویلەرزەیل کە لە ناوچە جیاوازەیل رویدەن، ئەرا دیاریکردن شوین و پلە و وەدویاچگن هەر چالاکییگ زەویلەرزەیی.
