زیندانی و بەندکردن ئەرا دوو تاوانبار لە کۆمەڵەی "قوربان"

شەفەق نیوز ـ بەغدا

دادگای تاوانەیلی ناوەندی، ئمڕوو یەکشەممە، دوو سزا دەرکرد لەبان دوو تاوانبار کە بەشیگن لە کۆمەڵەی “قوربان.

دادگاگە لە بەیاننامەیگ رەسیە ئاژانس شەفەق نیوز دیاری کرد،  تاوانبار یەکەم، کە هه‌ڵگر هویرباوڕیگ ئاینی لادیاگە، دەس کردگە وە گاڵدان تاوانبار دویەم ئەرا خوەیکوشتن، و سزای زیندانی ئەرا ماوەی شەش ساڵ دریا، وەپای سزاگان مادەی 9 لە یاسای قەیەغەکردن حزب بەعس و قەوارە و حزب و چالاکیەیل رەگەزپەرسی و تێرۆریستی و تەکفیری شمارە 32 ئەرا ساڵ 2016، و وە بەڵگەی مادەیل 47 و 48 و 49 لە یاسای سزادان.

ئاشکراکرد، سزای دویەم دەرکەردییە لەبان تاوانبار دویەم وە بەندکردن ئاسان ئەرا ماوەی یەک ساڵ، وەپای سزای مادەی 9 لە هەمان یاسا، وە بڕواکردن وە سزای مادەی 132/3 لە یاسای سزادان.