زیقار و دیالە.. کوشتن وە مدوو وردەوەردەی لەبان پویل و دزین وایەر کارەبا وە درویژی دوو کیلومەتر
شەفەق نیوز ـ زیقار/ دیالە
سەرچەوەیگ ئەمنی، ئمڕوو دووشەممە، خەوەردا لە پەیاکردن تەرم گەنجیگ لەناو ماشین لە قەزای دەوایە باکوور خوەرهەڵات پارێزگای زیقار، لەدویای دیارنەمەننی ئەرا ماوەی چەن رووژیگ، وەپای لێکۆڵینەوەیل وە دوو لێدان وەبان سەری گیان لەدەسداس کە لەوەر وەردەوەردەیگ لەبان پویل بویە.
سەرچەوەگە ئەرا ئاژانس شەفەق نیوز وت، راپۆرت یەکەم لە قەزی شەترە و وەشکین پزیشک دادوەری لە لە ناسریە دیاری وە نەبوینی گومان تاوانکاری دان، باوجی یەکیگ لە برایل ئەو کەسە لە وەخت کفنکردنی ئیسفای زەخمیگ لەسەری کەێد کە بویەمدوو دوارە وشکنین تەرمەگە.
وتیش؛ وشکنینەگە ئاشکرا کرد کە دوو لێدان لە سەری هەسە وە ئامرازیگ تیژ لە جویر "قامە"، کە بویەسە مدوو مردن گەنجەگە، وە یەیش دەرکەفت تویش تاوان کوشتن هاتیە..
ئاشکرایکرد، هێزەیل ئاسایش چەودێری کامێڕایل چاودێری لە ناوچەی رویداوەگە کردن، و رەسینە بەڵگەیلیگ کە دیاری کەن گەنجەگە ولایەن کەسەیلیگ کە سوار مۆتۆڕسکیلیگ بوینە وسنریاس، و پەلاماریدانە وە لێدان، وەرجە ئەوەگ ماشینەگەی بگوازێد کە کوشیاگە و لەشوین چوڵیگ وەجی بیلێد.
وەپای سەرچەوەیل، لێکۆڵینەوەیل سەرەتایی دیاریکەن تاوانەگە وە مدوو وەردەوەردە لەبان پویل کەمیگ بویە لە ناوەین قوربانیەگە و تاوانبار.
لە رویداویگ جیا لە پارێزگای دیالە، سەرچەوەیگ وە ئاژانس شەفەق نیوز خەوەردا لە دزیان وایەر کارەبا وە زیاتر لە دوو کیلومەتر لە کڕ کارەبای ناوچەی تەحویلە لە دەوروگەرد قەزای خالس.
سەرچەوەگە ئاشکراکرد، کارەیل دزیکردنەگە کەمەکەمە دەسوەپیکردیە وەرجە زیاتر لە هەفتەیگ، کە تاوانبارەیل رووژانە چەن مەتریگ دزن، وەرجە ئەوەگ ئەوەگ دزیاگە برەسێدە دوو کیلومەتر.
