زەیدی پەیوەنی وە مەسرور بارزانی کەێد و هەڵوێست بەغداد لەباوەت پەلامارەگە راگەیەنێد
شەفەق نیوز ـ هەولێر
سەرۆک وەزیرەیل فیدراڵی عەلی زەیدی، ئمڕوو سێشەممە، سەرکۆنەکردن خوەی نوو کرد لەباوەت ئەو پەلامار درۆنییەی کە بنکەی تایوەت سەرۆک حکومەت هەرێم کوردستان مەسرور بارزانی و شوین نیشتەجێبوین وەڕێوەبەر ئاژانس پاراستن کوردستان "پاراستن" وە ئامانج گردیە، و دووپاتکرد ئێ ئامانجەیلە "رەدکریایە و قەبووڵنەکریاگە".
حکومەت هەرێم لە بەیاننامەیگ، کە رەسیە ئاژانس شەفەق نیوز، دیاری کرد لە پەیوەندییگ تەلەفۆنی عەلی زەیدی وەگەرد سەرۆک حکومەت هەرێم کوردستان مەسرور بارزانی ئەنجام دایە، و لە وەرانوەر ئەوەیش مسرور بارزانی دەسخوەشی سەرۆک وەزیران فیدراڵی کرد لەباوەت پەیوەندییەگەی و شوینکەفتن راستەوخوەی رویداوەگە، و دووپات کرد لەبان گرنگی پاراستن ئەمنی و ئارامی عراق و هەرێم کوردستان.
پەیوەندییەگە لە دوای ڕۆژیگ لە ڕێنماییکردن عەلی زەیدی ئەرا دروسکردن لیژنەیگ لێکۆڵینەوە هات لەباوەت ئامانجگردن بنکەی بارزانی و شوین نیشتەجیبوین وەڕێوەبەر ئاژانس هەواڵگری لە هەرێم، لەبان ئەوەگ لیژنەی سەرپەرشتی ئاشکراکردن سەرچەوەیل و بنەمایەیل پەلامارەگە بکەێد کە شار هەولێر وە ئامانج گرد.
