زەخمداربوین وە تەقیان مین لە باشوور عراق

شەفەق نیوز ـ موسەنا

ئمڕوو یەکشەممە، سێ کەس زەخمداربوین وە مدوو تەقیان مین لە وەجیماگەیل ساڵ 1991 لە ناوچەی ئەبو خوینە سەر وە دەشت بەسیە باشوور پارێزگای موسەنا.

 سەرچەوەیگ ئەمنی وە ئاژانس شەفەق نیوز وت، زخدارەیل لەناو گرووپ زەویلەرزەی سێیەم تایوەت وە پەیاکردن نەفت لە ناوچەگە کارکەن، وتیش "تەقینەوەگە زەرەد وە ماشینیگیش لە جویر رینۆ رەسانییە کە وەپیان بویە".

وتیش؛ زەخمدارەیل ئەرا چارەسەرکردن کلکریانە خەستەخانە، و بڕیاردریا وە سانن کار لە ناوچەگە تا وەخت تەواوکردن کارەیل ئاشکراکردن وەجیماگەیل جەنگی و دووپاتکردن لە بیوەییان.