زەخمداری وە شکیان هەیتاوە لە شار بازی لە باشوور عراق

شەفەق نیوز/ سەرچەوەیگ ئەمنی لە پارێزگای زیقار، ئمڕوو جومعە، خەوەردا لە توومارکردن دو رویداو ئەمنی لە قەزای سوق ئەلشیوخ لە باشوور شار ناسریە.  

سەرچەوەگە وە ئاژانس شەفەق نیوز وت، " یەکیگ لە  قەفەسەیل  خڕخوەر لە شار بازی قەزای سوق ئەلشیوخ شکیایە، و ۳ کەس زەخمدار بویە مناڵیگ تەمەن ۱۲ ساڵان و دوکەستر ۱٦ ساڵان.

وتیش، " کەسوکار زەخمدارەیل شکات لە وەرانوەر خاوەن شار بازیەگە توومارکردنە، رێکارەیل یاسایی لە وەرانوەری وەرگرێد". 

سەرچەوەگە وتیش،" گەنجیگ تەمەن ۲۲ تەقەلای خوەیکوشتن سەر نەکەفتییگ دەێد وە خواردن مادەی ژەهر نادیاریگ لە ناو ماڵ خوەی لە قەزای سوق ئەلشیوخ لە باشوور پارێزگای زیقار"، وتیش، گەنجەگە تەندروسی ناجیگیرە ئەرا خەسخانەی شار ناسریە کلکریایە".