زەخمدارەیلیگ لە سوپای عراق وە تەقینەوەیگ لە دیالە
2021-05-09T11:54:07+00:00
شەفەق نیوز/ سەرچەوەیگ ئەمنی لە دیالە، ئمڕوو یەکشەممە، خەوەردا لە زەخمداربوین ٣ سەرباز وە تەقینەوەیگ لە دەورگرد قەزای خانەقین.
سەرچەوەگە ئەرا ئاژانس شەفەق نیوز وت: بومبیگ دانریاگ تەقیە بان ماشینیگ سەربازی «هەمەر» سەروە فەوج چوارەم لیوای پیادەی ١٩ لە فیرقەی پەنجەم لە ئاوای «قایە» لە دەورگرد خانەقین، ک بویە هووکار زەخمداربوین سێ سەرباز.
وتیش؛ هێزیگ ئەمنی رەسیە شوین رووداوەگە و زەخمدارەیل رەسانە خەسەخانە ودەسکردە هەڵمەتیگ وەشکین وەمینەی جیوەجکەرەبل پەلامارەگە یا هەر بومبیگ تر.
