زەخمداری فەرمانبەریگ لە وەزارەت سامانەیل ئاوی مەوقەی لاوردن زیایچگەیل لە واست

شەفەق نیوز/ وەزارەت سامانەیل ئاوی عراق، ئمڕوو یەکشەممە، زەخمداری یەکیگ لە فەرمانبەرەیلی وەگولە مەوقەی کاوردن زیایچگەیل لەبان سەرچەوەیل ئاو لە پارێزگای واست راگەیان.    

وەزارەتەگە لە بەیاننامیگ رەسیە ئاژانس شەفەق نیوز وت: لە زنجیرەی دەسدرۊژیکردن لەشوینیەک ک کادرەیل وەزارەتەگە لە گشت پارێزگایل عراق مەوقەی جیوەجیکردن ئەرک  فەرمییان وە لاوردن زیایچگەیل ئەرا رەسین ئاو ئەرا گشت ناوچەیل کەفنە وەریان، ئمڕوو یەکیگ لە فەرمانبەرەیلمان لە واست بەش دجێلی وەدەس یەکیگ لە زیایچگەیل کەفتە وەر گولە. 

وەزارەتەگە دیاری کرد ک لە سکاڵایگ دادوەری لەبان زیایچگەگە سەرکەفت و باج لەلی سنیا، و مەوقەی لاوردن زیایچگەگە دەسکردە تەقەکردن ک یەکیگ لە فەرمانبەرەیل زەخمدار کرد، وئیرنگە لە خەسەخانە خەفتیە، و زەخمەگەی قویلە و نەشتەرگەری خوازێد.