زەخمداریبوین سەخت ئەفسەریگ مەوقەی دەسگیرکردن توومەتباریگ لە بەغدا
2023-11-30T07:27:09+00:00
شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا لە زەخمداری بوین پۆلیسیگ مەوقەی دەسگیرکردن توومەتباریگ لە بەغدای پایتەخت.
سەرچەوەگە وە ئاژانس شەفەق نیوز وت، ئەفسەریگ وە پلەی نەقیب فەرمانبەر لە دژە تاوان بەغدا تویش زەخمداری سەختیگ بویە، لەئەنجام تەقەکردن لە سێ شوین جیاواز لەشی لە مەوقەی جیوەجیکردن ئەرک دەسگیرکردن داواکریایگ وە توومەت کوشتن لە ناوچەی گەڕەک ئوور خوەرهەڵات پایتەخت.
سەرچەوەگە وتیش، تەقەکردن لەناوەین مەفرەزەگە و داواکریاگەگە دروسبویە، دیاریکرد ئەفسەرەگە ئەرا خەسخانە کلکریاگە.
