زەیدی لە دویای تەواکردن سەردانە فەرمیەگەی ئەرا فەڕەنسا روی کەێدە پایتەخت ئەڵمانیا

شەفەق نیوز ـ بەغدا

سەرۆک وەزیرەیل عراق عەلی زەیدی، ئمڕوو سێشەممە، لە دویای کۆتایهاتن وە سەردانە فەرمیەگەی ئەرا فەڕەنسا رویکردە بەرلین پایتەخت ئەڵمانیا.

لە زیارەتەگە زەیدی چەویکەفت وە سەرۆک فەڕەنسا ئیمانویل ماکرۆن، و واژوو کردن شەش یاداشتنامەی لەیەکفامستن و راگەیانن نیازپاکی و پرۆتۆکۆل دەسمیەتی لە مژارەیل وەرگیری و زیرەکی دەسکرد و گەنج و لێکۆڵینەوە و داهێنان و ئەوزەڵداین و وزە و فرۆکەوانی شارستانی.

رێککەفتننامەگە بریتی بوی لە نیازپاکی ناوەین وەزارەت وەرگیری و کومپانیای "هرمتان" زیرەکی دەسکرد، و راگەیانن نیازپاکی ناوەین وەزارەت وەرگیری عراق و وەزارەت سوپای فەڕەنسا، لەلایگ راگەیانن نیازپاکی ئەرا هاوبەشی لە ئەوزەڵداین دەرفەت گەنج و لێکۆڵینەوە و داهێنان.

هەمیش پاکهاتوی لە  راگەیانن نیازپاکی وەرد کۆمپانیای  ئاوزەڵداین فەڕەنسی  (AFD)، پڕۆتۆکۆل دەسمیەتی لەباوەت   گرێبەست دابینکردن و فرووشتن گاز وەگەرد کۆمپانیای "تۆتاڵ ئێنرژی"، وەگەرد راگەیانن نیازپاکی ئەرا هاوکاری لە بار فڕۆکەوانیی مەدەنی وەگەرد وەزارەت گواستنەوەی فەرەنسا.

لە سەردانەگە، زەیدی پێشوازی لە سەرۆک کۆمپانیای "تۆتاڵ ئێنرژی"، و سەرۆک بانک ڕۆچایڵد، و بڕیگ لە سەرۆک و نوێنەر کۆمپانیا فەرەنسییەیل کرد، وەگەرد سەرۆک پەیمانگەی جیهان عەرەبی.

هەمیش دیار داشت وەرد بڕیگ لە پەیامنێر رووژنامەیل و دەزگا راگەیاننەیل فەڕەنسی و بیانی، وەرجە دەرچگنی لەفەڕەنسا رویکەێدنە بەرلین.

سەرۆک وەزیرەیل عراق عەلی زەیدی رووژ یەکشەممەی، گوزەشتە 13 ئەیلول رەسیە پاریس پایتەخت فەڕەنسا لە سەردانیگ فەرمی.