زیاتر لە ٥٠ ساڵ زیندانی لەبان بکوش خیزانەگەی لە نەجەف وخوەیسزانن ژنیگ لەناو قەورسان
شەفەق نیوز/ سەرچەوەیگ ئەمنی وەرپرس، ئمڕوو چوارشەممە، خەوەردا ک دادگای تاوانەیل نەجەف فەرمان ٥٨ ساڵ زیندانی لەبان گەنجیگ دەرکرد وە کوشتن خیزانەگەی لەناوڕاس پارێزگاگە تاوانبار کریاگە.
سەرچەوەگە ئەرا ئاژانس شەفەق نیوز وت: بڕیارەگەی دادگا لەبنەمای مادەیل یاسای سزادان عراقی شمارە ١١١ ئەرا ساڵ ١٩٦٩ دەرکرد.
ئەو گەنجە لە سەرەتای ئمساڵ تەقە لە خیزانەگەی خوەی کرد، ک بویە هووکار کوشیان باوگی (ماموستای زانکۆ)، و داڵگی (ماموستای ئینگلیزی) و براگەی، و هەمیش زەخمداری پای خوەشکەگەی، ئەوەیش لەوەر ئەوە ک باوگی زوور لەبانی هاوردگە تا لە خوەنەوارەی سەربکەفێد.
هەرلیوا، ژنیگیش لەناو قەورسان وادی سەلام لە پارێزگای نەجەف خوەی سزان.
سەرچەوەیگ لە پۆلیس نەجەف ئەرا ئاژانس شەفەق نیوز وت: ژنەگە گیانی لەدەسدا لەوەر سزانن خوەی، و لایەنە ئەمنیەیلە هانە لێکۆڵینەوە ئەرا رەسین وە بندروس ئەو خوەیکوشتنە، ک هیمان نادیارە.
