رووژ جومعە خوەڵ و توز ئاسمان عراق پووشێد

  شەفەق نیوز/ دەسەی گشتی کەشناسی، ئمڕوو چوارشەممە،  بارودۆخ گەشوهەوای سەرجەم ناوچەیل عراق لە دوو رووژ ئایندە راگەیان، پیشبینی کرد لەسەرانسەر عراق خوەڵ و توز بەرزەو بوود. 

دەسەگە لە راپۆرتیگی ک ئاژانس شەفەق نیوز چەوی وەپی کەفتیە باس کەێد،" کەشوهەوای سوو پەنجشەممە، لە ناوچەیل ناوڕاس ساماڵە وەگەرد بەرزەوبوین کەمیگ پلەیل گەرمی، ئیە لەباوەت ناوچەیل باکوور باوجی لە ناوچەیل باشوور جیاوازە بەرزەوبوین خوەڵ وە خوەیەو دوینێد".

لەباوەت کەشوهەوای رووژ جومعە دەسەگە ئاشکەراکرد، "ئاسمان ساماڵە لەدویای نیمەڕو ئاڵشتبوود ئەرا تووز وەگەرد هەڵ دروسبوین گەردەلویل خوەڵ لە ناوچەیل ناوراس و توزاوی بوین لە ناوچەیل باکوور و باشوور ".