روانگەگ لەبەیانیگ رووژنامەوانی کە رەسیە ئاژانس شەفەق نیوز وت، " عراقیش جویر ئەو وڵاتەیلتر زەویلەرزە وەخوەی دوینێد یا "زەویلەرزەیل پاشکۆ" وتیش کە " ئەرا لەرزە عراق دابەشکریەدە چواربەشەو، مەترسیدارترینی هاوسنوی ئیرانە و لە هەڵەبجە دەسوەپی کەێد  لە هەرێم کوردستان تا خانەقین و وە کفری و کەلار رەدبوود".

ئاشکەرایکرد، " لەی ناوچەیلە هێز زەویلەرزەگە دانشتگەیلی هەس وەپی کەن و رەسێد ئەرا زەرد مادی"، دیاریکرد "دویەم ناوچەی مەترسیدار باکور شار میسانە".

وتیش " پارێزگای واست و باکوور هەرێم کوردستان وە پلەی سێیەم تیەن و لەرزەیلە کەمترن لە پەیمانەی یەکەم و دویەم" وتیش " بەغداد و پارێزگایەیل خوەرئاوا و فورات ناوڕاس و باشوور، وە پلەی چوارەم تێن لە مەترسیدارترین زەویلەرزەیلە".

وتیش " ئی ناوچەیلە زەویلەرزە لەناوی روی نیەدەێد باوجی خاوەن پاشکۆی زەویلەرزەیلە".

دیاریکرد " حکومەت گرێبەست وەرد کۆمپانیایگ جەهانی واژووکردیە ئەرا دانان 11 وێستگەی توومار زەویلەرزە لە فرەیگ لەناوچەیل وڵاتەگە، وەردیاش 6 وێستگە لە وەرینەو هەس "ئاشکەرایکرد" ئێ ویستگەیلە زانیاری گرنگ دەن لەبان تویکل زەوی و خێرایی زەویلەرزە و درویژی شەپوولەگەی" وەبی ئەوەگ مەزەنەی نزیکی زەویلەرزە بکەێد.