رویداو هاتوچو نوویگ لە باشوور عراق کۆتایی وە ژیان 6 کەس تیارێد
2026-06-09T10:05:43+00:00
شەفەق نیوز ـ زیقار
سەرچەوەیگ ئەمنی لە زیقار باشوور عراق، ئمڕوو سێشەممە، خەوەردا لە مردن 6 کەس کە لەناویان 5 کەس سەر وە یەک خێزان، وە رویداو هاتوچوی نزیک چەم مالح لە قەزای قەلعەت سوکەر باکوور پارێزگاگە.
سەرچەوەگە وە ئاژانس شەفەق نیوز راگەیان، رویداوەگە لە ئەنجام پلیان ماشینیگ بویە کە قوربانیەیل هەڵگردیە، بویەسە مدوو دەسوەجی مردن.
