رویداویگ هاتوچو کۆتایی وە ژیان خاوەن دەسەیگ ئیمام حسێن تیەرێد و کوڕیگ نقورم بوود لە باشوور عراق
2023-08-21T14:32:07+00:00
شەفەق نیوز/ سەرچەوەیگ ئەمنی لە زیقار، ئمڕوو دووشەممە، خەوەردا لە مردن و زەخمداری سێ کەس وە رویداوەیل جیاواز لەناوڕاس پارێزگاگە.
سەرچەوەگە وەئاژانس شەفەق نیوز خەوەردا " کوڕیگ 15 ساڵان لە چەم (حلو)نقوم بویە لە باشوور شار ناسڕیە ناوەن پارێزگاگە، وەبی ئەوەی هوکار نقومبوینی بزانریەد، لێکۆڵینەوە وازکریایە ئڵرا ئاشکەراکردن چوینیەتی رویداوەگە".
وتیش، " یەکیگ لە خاوەن دەسەیل ئیمام حسێن رویوەروی رویداو تلیان بویە لە ری ماشینیگ بارهەڵگر، لەبان ری سەێد دەخیل خوەرهەڵات شار ناسڕیە ناوەن پارێزگاگە، بویەسە هووکار دەسوەجی گیان لەدەسدانی".
دیاریکرد، تەرمەگەی ئەرا پزیشک دادوەری کلکریاس، ورانندەگە دەسوەسەر کریاگە لێکۆڵینەوە وەردی کریەد.
سەرچەوەگە وتیش، " کەسیگتر تویش زەخمداری سەختیگ بویە لەئەنجام رویداویگ تلانن لە ری پاس گەپیگ لەبان ری جەبایش لە باشوور پارێزگاگە، ئەرا چارەسەرکردن رەوانەی خەسخانە کریا".
