رمیان کەنار چەم سێ خوشک لە باشوور خوەرهەڵاتی موسڵ قوت دەێد
شەفەق نیوز ـ نەینەوا
سەرچەوەیگ ئەمنی لە پۆلیسی پارێزگای نەینەوا، ئمڕوو چوارشەممە، خەوەردا لە خنکیان و زەخمداری سێ دویەت خوشک لە ئەنجام رمیان لیو چەمیگ لە ناو ئاو چەم دیجلە لە سنوور ناحیەی نەمروود، لە باشوور خوەرهەڵاتی شار موسڵ.
سەرچەوەگە وە ئاژانس شەفەق نیوز وت: "سێ خوشکەگە لە یەک خێزان بوین لەبان لیو چەم دیجلە بوین هەنای کەنارەگە لە ناکاو رمیا، کە بویە مدوو کەفتنیان و کیشانیان وەگەرد هاز ئاوەگە".
سەرچەوەگە ئاشکراکرد "مەفرەزەیل پۆلیس چەمەوانی دەسوەجێ وەڵام رویداوەگە دان و توەنستن تەرم یەکیگ لە خوشکەیل (لە لەداڵگبووی 2004) درارن، لە وەختیگ خوشک دویەم رزگار کریا و لە حاڵەت بیهوشی بوی بوی، و بریا ئەرا خەستەخانە ئەرا وەرگرتن چارەسەر".
سەرچەوەگە دووپات کرد "تیمەیل مەلەوانی و مینەکردن وەردەوامن لە پرۆسەیل مینەکردن لە چەم دیجلە ئەرا پەیاکردن تەرم سێیەم خوەشکەگە تا ئیسە گوم بویە".
