پەرلەمان هەرێم کوردستان وەزۆرینە واژوو لەبان وڵامەگان حکومەت کەێد
شەفەق نیوز/ پەرلەمان هەرێم کوردستان، ئمڕوو سێشەممە، و زۆرینەی ئامادەبویەگان واژوو لەبان وەڵامەیل حکومەت هەرێم کرد.
پەیامنێر ئاژانس شەفەق نیوز وت: ٨٢ ئەندام لە پەرلەمان هەرێم کوردستان دەنگ دان لە ڕەزامەنی خوەیان لەبان وەڵامەیل مەسرور بارزانی سەرۆک حکومەت هەرێم و قوباد تاڵەبانی جیگری و ئاوات شێخ جەناب وەزیر دارایی لە دانیشتن وەرین هەنای لە سەرەتای مانگ تەشرین یەکەم ئامادەی بوین.
هێمن هەورامی ئەندام دەسەی سەرۆکایەتی پەرلەمان هەرێم کوردستان لە دانیشتنەگە وەڵام حکومەت هەرێم لەبان پرسیارە پەرلەمانیەگان خوەنستەو، و وەشیوەیگ فەرمی راگەیان لە ناڕەزایەتی حکومەت ئەرا ئامادەبوون دانیشتنەگە ک ژمارەیگ لە پەرلەمانتارەگان داوای کردن.
هەورامی وتیش؛ حکومەت هەرێم لەوەخت دروس بوینی ١٢ مووچە ئەرا فەرمانبەرەیل هەرێم دابەش کردگە، و تەنیا دوو مووچە نەیاگە.
ودیاریکرد ک حکومەت وەڵام پرسیارەیل پەرلەمانتارەگان وەشیوەی ووردیک دا و پێویستی وە هاتنی ئەرا جاریگ تر نیە.
هەورامی هەمیش وت؛ حکومەت هەرێم کەفتە وەر قەیرانەیلیگ دارایی سەختیگ جوور گشت دەوڵەتەیل جهان لەوەر پەتای کۆڕونا ک بویە هووکار قەیران ئابووری، و ئاماژە کرد لە ناچاری حکومەت ئەرا خوەی گونجانن وەگەرد رەوش و داهاتەیل لە وەر دەس
