پەرلەمان عەبدولەتیف رەشید وە سەرۆک کۆمار هەڵوژێد
شەفەق نیوز/ ئەنجومەن نوینەرەیل عراق، لە دانیشتن ئمڕوو پەنجشەممە، عەبدولەتیف رەشید ئەرا سەرۆک کۆمار هەڵوژارد، ئەوەیش دویای گیچەڵ گەورەیگ زیاتر لە یەک ساڵ دویای هەڵوژاردن وەرجەوەخت ک لە تەشرین یەکەم پارەگە ئەنجام دریا.
ئەنجومەن نوینەرەیل لە دانیشتن هەڵوژاردن یەکیگ لە کاندیدەیل شکست هاورد، دویای گەرمەوبوین رکابەری ناوبەین کاندید یەکێتی نیشتمانی کوردستان، بەرهەم ساڵح سەرۆک کۆمار ئیسە، و عەبدولەتیف رەشید، هەرچەن رەشید وە شمارەی دەنگەیل سەرکەفر، باوجی زۆرینەی ٢٢٠ دەنگ وەدەس نەهاورد.
رەشید زۆرینە وە ١٦٢ دەنگ وەدەس هاورد، بەرهەم ساڵح رکابەری ٩٩ دەنگ وەدەس هاورد، و ٨ کاغەز پویچەڵ توومار کریا.
سەرۆک کۆمار نوو ئەوەسا ئەرکدار محمد شیاع سودانی کاندید گەپترین فراکسیۆن کەێد ئەرا پۆست سەرۆک ئەنجومەن وەزیرەیل وە دروسکردن حکومەت هاتگ وە ماوەی ئەوپەڕی ٣٠ رووژە.
