«رسواییگ» لە عراق.. سەرکردەیلیگ سیاسی واکسین کۆڕۆنا وەدزیەو سەننە
شەفەق نیوز/ سەرچەوەیلیگ چەودێر، ئمڕوو چوارشەممە، ئاشکرای سەنین هەزاران تاقەبەش لە واکسین ڤایڕۆس کۆڕۆنا لەلایەن سەرکردەیلیگ سیاسی عراقی کردن، و خوەیان و بنەماڵەیلیان و کەسوکارەیلیان وە نهێنی لەلی وەرگردنە.
سەرچەوەگان ئەرا ئاژانس شەفەق نیوز، وە مەرجیگ ناویان ئاشکرا نەکریەێد لەوەر ناسکی زانیاریەگان، وتن: فرەی سەرکردە سیاسییەگان لە بەغداد هەزاران تاقەبەش لە واکسینە چینیەگەی دژە ڤایرۆس کۆڕۆنا سەنن.
و دیاری کردن ک هەر سەرکردەیگ نزیکەی ١٥٠٠ و ٢٥٠٠ تاقەبەش واکسین ئەرا خوەیان و خیزانەیلیان و کەسوکارەیلیان سەن.
سەرچەوەگان ئاماژە کردن ک وەرگردن واکسینەگە لەلای تاکەیل ئی چینە وەردەوامە و وەنهێتی ئەنجام دریەێد.
و تا ئیسە هیچ تاقەبەشەیگ لە واکسین کۆڕۆنا وەشیوەیگ فەرمی ئەرا عراق نەڕەسیە، ک وەگورەی وەزارەت تەندروسی؛ یەکەمین تەکانەگە لە کۆتایی ئی مانگە رەسێد.
ئاشکراکردن ئی زانیاریەیلە لەوەختیگ تیەێد ک عراق زیایبوین لە تووشهاتنەگان ڤایڕۆس کۆڕۆنا لەوەر هاتن بنچینە نووەگە ئەرا وڵاتەگە تۆمار کەێد.
