گردن چەتەیگ لە مووسڵ دزیکردن وە دڵنگ سەربازی جیوەجی کردنە
شەفەق نیوز/ دەسەڵاتە ئەمنیەگان لە مووسڵ، ئمڕوو پەنجشەممە، توێنستن چەتەیگ دزیکردن دەسگیر بکەن، لەناویان کەسەیلیگ لە پاسەوانەیل خانمە پەرلەمانتار وەرینیگ بوین.
سەرچەوەیگ ئەمنی خەوەردا ئاژانس شەفەق نیوز؛ ک دژە تاوان نەینەوا سەرکەفت لە دەسگیرکردن ئەو چەتە ک لە وەختیگ گوزەیشتە دزییگ لە ماڵ خاوەن نووسینگەیگ گواستنەوەی پویل لە گەڕەک زەهڕا جیوەجی کردن.
سەرچەوە ئەمنیەگە وت؛ تیمیگ هاوبەش کار لەی باوەتە کردیاد، و شەفەق ئمڕوو توێنست گشت کەسیل ئی چەتە ک ٦ کەسن دەسگیر بکەێد، لەناویان ئەوەگ تەقە لە خاوەن ماڵەگە کردگە.
وتیش؛ دەسگیرکریایەگان ئاشکرای جیوەجیکردن ٧ دزیکردن وەرین کردن، و هەمیش لەلایان دەسنریا بان پویل دزیاگ لە خاوەن نووسینگەی گواستنەوەگە، و پویلەگە دریا خاوەنی.
لە ووردەکاریەگان، سەرچەوەگە وت؛ دووان لەو چەتەگە جوور پاسەوان لەلای خانمە پەرلەمانتار وەرینیگ لە پارێزگای نەینەوا کار کردیان.
