گەردەلوولیگ لە تەپووتوز دەێد لە ئەنبار
شەفەق نیوز - ئەنبار
گەردەلوولیگ لە تەپوتووز، ئمڕوو شەممە، ناوچەیل پارێزگای ئەنبار گردەو کە لە لای سنوور عراق لە قائیمەو هاتوید، و بویە مدوو کەمەوبوین وەرچەو لە مەودای نووڕستن و بەرزەوبوین خەسیگ تەپوتووز، وە تایبەت لە ناوچەیل سەر سنوور و ئەو شوینەیلە کە لەلیان نزیکە.
ئی گەردەلوولە بویە مدوو دروسبوین بار و رەوش سەختیگ، لەناو هوشداری کاریگەرییەیل لەبان هاتوچوو ماشین و تەندروسی گشتی.
مەزەنەیل کەشناسی دیاریکەن هاتێ کاریگەری ئی گەردەلوویە بڕەسێدە شارەیل تریش لە خوەرئاوای وڵاتەگە لەناو سەعاتەیل ترەک، لەناو هوشداری ئەرا رانندەیل و ئەو نەخوەشەیلە کە گیچەڵ کۆئەندام هەناسە دیرن نەکفنە وەر تەپوتووزەگە.
عراق ساڵانە سەدان گەردەلویل و تەپوتووز وە خوەیەو دوینێد، کە وڵاتەگە خەێدە وەر ئاڵنکارێەیل ژینگەیی و ئابووری، لەناو هوشدارییەیل ناوخوەیی و ناودەوڵەتی لە گەپەوبوین ئی بار و رەوشە لە ژیر سای وەردەوامی کاریگەرییەیل ئاڵشتبوین ئاو و وا.
