راپۆرتيگ ئه‌مريكى: پنتاگۆن كرده‌وه‌يل سه‌ربازى له عراق دژ وه ميليشايه‌يل زياێ ئه‌كا
2020-03-28T09:08:30+00:00
شه‌فه‌ق نيوز/ رووژنامه‌ى "نيويۆرك تايمز" ئه‌مريكى، باس له‌وه كرد وه‌زاره‌ت وه‌رگرى ئه‌مريكا (پنتاگۆن) فه‌رمان وه سه‌ركرده‌يل سه‌ربازى داگه پلان دابنه‌ن ئه‌را زيايكردن روێ وه‌ڕوێ بوينه‌وه‌ى سه‌ربازى له عراق.
رووژنامه‌گه له راپۆرتيگى وت: هه‌فته‌ى گوزه‌يشت وه‌زاره‌ته‌گه رينمايى ده‌ركردگه له‌وه‌ر ئاماده‌كارى ئه‌را ويرانكردن ئه‌و ميليشيايه‌يله ك ئيران پشتگيرى له‌ليان ئه‌كاو هه‌ڕه‌شه‌ى زيايكردن په‌لاماره‌يل دژ هيزه‌يل ئه‌مريكا كردنه.
راپۆرته‌گه هه‌ميش وت: رۆبه‌رت ب وايت سه‌ركرده‌ى باڵاى وڵاته‌يل يه‌كگرتگ له عراق وشدارى داگه ك ئيچنه هه‌ڵمه‌ته‌يليگ شايه‌ت خويناوێ بدێ و ده‌رئه‌نجامه‌يل خراويگ له‌لى بكه‌فێده‌وه‌و هه‌ڕه‌شه‌ى جه‌نگ وه‌ل ئيران بكا.
