ئۆپراسیۆنیگ هاوبەش لە دەريا.. عراق پویچەوکردن تووڕیگ قاچاخچییەتی ناودەوڵەتی و دەسگرتن وە بان دوو بەلەم و 90 کیلوگرام هووشبەر راگەیان
شەفەق نیوز ـ بەغدا
وەزارەت ناوخوەی عراق، ئمڕوو شەممە، راگەیان وەڕێوەبەرایەتی گشتی کاروبار هووشبەرەیل، وە بەشداری وەگەرد وەڕێوەبەرایەتی هەواڵگری سەربازی و فەرماندەیی هێزەیل دەریایی، توەنست تووڕیگ ناودەوڵەتی ئەرا قاچاخچییەتی هووشبەرەیل "ئەرا یەکەم جار" لە قووڵایی ئاوەیل هەرێمی عراق پویچەو بکەێد.
وەزارەتەگە لە بەیاننامەیگ فەرمی دیاری کرد، ئۆپراسیۆنەگە بوی مدوو دەسگیرکردن تووڕیگ کە لە 3 کەس پێکهاتبوی، کە یەکیگیان بیانیە، و دەسگیریا وەبان 90کگم لەمادەی هووشبەر حەشیش، وەگەرد دەسگردن وەبان دوو بەلەم کە ئەرا کار قاچاخچیەتی وەکارهاتیە.
ئاشکرا کرد، مەفرەزەیل لە بنکەی دەریایی ئوم قەسر ئەرا ئەرکیگ دەرچگنە کە 16 سەعات وەپی چگ و تا ڕەسین وە ئامانج دیاریکریاگ، دوای ئۆپراسیۆنەیل چاودێریکردن و هویردبینی کە چەن روژیگ وەدەوام بوی لە ئاوە هەرێمیەیل عراق هاوسنوور وەگەرد یەکیگ لە وڵاتەیل هاوسا.
