ئەرا هەفتەی شەشەم.. هەناردەیل نەفتی عراقی ئەرا ئەمریکا وە تەواوی وسیاس

شەفەق نیوز - بەغداد

داتایەیل وەڕێوەبەرایەتی زانیاریەیل وزەی ئەمریکی، ئمڕوو یەکشەممە، نیشان دان کە ویلایەتە یەکگرتگەیل هیچ بڕیگ لە نەفت خاو عراقی لەماوەی هەفتەی گوزەشتە هاوردە نەکردیە، تا هاوردەیەیلی لە عراق لە ئاستەیل سفر ئەرا شەشەمین هەفتە لەبان یەک وەردەوام بوود، لە وەختیگ هیچ هاوردەییگ لە نەفت سعودی ئەرا چوارەمین هەفتە لەبان یەک توومار نەکردیە.

 وەپای ئەو داتایەیلە کە ئاژانس شەفەق نیوز وەپیا چگ، کەنەدا کەفتە سەرەتای لیست دابینکەرەیل نەفت خاو ئەرا ویلایەتە یەکگرتگەیل وە بڕ 4.215 ملیۆن بەرمیل لە رووژیگ، و دۊای ئەوە ڤەنزوێلا وە 411 هەزار بەرمیل لە رووژیگ، ئیجا مەکسیک وە 388 هەزار بەرمیل لە رووژیگ، و ئیکوادۆر وە 223 هەزار بەرمیل لە رووژیگ، و دۊای ئەوە بەرازیل وە 196 هەزار بەرمیل لە رووژیگ.

 داتایەیل ئاشکرا کردن کە کۆلۆمبیا هاتە پلەی شەشەم وە بڕ 158 هەزار بەرمیل لە رووژیگ، و دۊای ئەوە لیبیا وە 87 هەزار بەرمیل لە رووژیگ، ئیجا نێجیریا وە 12 هەزار بەرمیل لە رووژیگ، لە وەختیگ هاوردەیل ویلایەتە یەکگرتگەیل لە سعودیە و عراق سفر توومار کرد.