ئەرا یەکەمجارە.. کارەبای عراق زیاتر لە ١٤ هەزار مێگاوات بەرهەم کەێد
شەفەق نیوز/ وەزارەت کارەبای عراق، ئمڕوو یەکشەممە، توومارکردن بەرهەمیگ بیوەرین لە وزەی کارەبا راگەیان ک رەسیە ٢٤ هەزار مێگاوات.
وەزارەتەگە لە بەیاننامەیگ رەسیە ئاژانس شەفەق نیوز وت: کادرەیکی بەرهەمیگ بیوەرین لە سیستەم وزەی کارەبا ئەنجام کردن، ک رەسیە (24047) مێگاوات، وئەوەیش بەرزترین بار بەرهەمە ک سیستەمەگە کەوەخت دامەزراننی تا ئیسە ئەرای بڕەسێد، و ئارامی بەرز و وەرچەویگ لە بەشەوکردن کارەبا ئەرا هاووڵاتیەیل هەس.
وەزارەتەگە وتیش: ئەوە ئەنجام دریا لەبان سەختیەیلیگ ئەمنی وئابووری ودارایی و کەمەوبوین گاز نیشتمانی، ولەبان پەتای کۆڕۆنایش.
وەزارەتەگە دووپات کرد ک ئومید هەس لەی رووژەیل زویە زیایبوین بەرزترین ئەنجام بکەفێدە دەس، وە هاوردن بڕیگ ویستگە ویەکەی بەرهەمی تا زیاتر لە ١٠٠ مێگاوات نوویش باێدە بانی، وەگەرد ویستگەیل سەڵاحەدین ٢ رومێلە ومیسان وشەت عەرەب.
