ئەرا دویەم رووژ وەبان یەک.. بەرزەوبوین نرخ دۆلار لە بەغدا و هەولێر
2026-07-23T08:15:07+00:00
شەفەق نيوزــ بەغداد/ هەولێر
نرخ دۆلار ئەمریکی وەرانوەر دینار عراقی، ئمڕوو پەنجشەممە، لە بۆرسەی سەرەکی بەغداد پایتەخت و هەولێر بەرزەوبوی .
پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت رەسیە 150,450 دینار عراقی وەرانوەر 100 دۆلار ئەمریکی. رووژ چوارشەممە نرخ دۆلار رەسیە 150,250 دینار عراقی وەرانوەر 100 دۆلار ئەمریکی.
پەیامنێڕمان وتیش؛ نرخ فرووشتنی لە دوکانەیل بەغداد رەسیە 151,000 دینار عراقی وەرانوەر 100 دۆلار ئەمریکی، و نرخ سەنینی رەسیە 150,000 دینار.
لەهەولێر پایتەخت هەرێم کوردستانیش نرخ دۆلار بەرزەوبوی، کە نرخ فروشتن رەسیە 150,850 عراقی وەرانوەر 100 دۆڵار ئەمریکی، و نرخ سەنینی 150,650 عراقی وەرانوەر 100 دۆلار ئەمریکی.
