راگەیانن کۆتایی سەرشماری گشتی: دانشتگەیل عراق رەسینە 46 ملیۆن و 118 هەزار کەس

شەفەق نیوز/ وەزارەت پلاندانان عراق، ئمڕوو دووشەممە، ئەنجام بنەرەت سەرشماری گشتی دانشتگەیل راگەیان، دەرچگە شمارەی دانشتگەیل وڵات 46 ملیۆن و 118 هەزار کەسە، لەدویای ئەوەگ ئەنجامە سەرەتایەیل کە لەمانگ تەشرین دویەم وەرین بڵاوکریا شمارەیان رەسیە 45 مليون و407 هەزار کەس.

وەپای ئەنجامەیل سەرشماری، شمڵرەی دانشتگەیل عراق وە   39 ملیۆن و618 هەزار کەس بەرزەوبویە بەراورد وە ئامار  ساڵ 1957 کە دانشتگەیل عراق  6 ملیۆن و500 هەزار کەس بوی.

 لەساڵ2024، دانشتگەیل وەپای ژینگەیان بەشەوبوونەس وەبان   70.17% شارنشینن و29.83% ئاوانشینن لە عراق ، و84.57% شارنشینن و15.43% ئاواینشینن لە هەرێم کوردستان.

 بەشەوبوین دانشتگەیل وەپای تەمەن

گشت پارێزگایەیل:

خوار تەمەن پەنج ساڵ: 11.16%

خوار تەمەن کارکردن (5-14): 24.74%

لە تەمەن کارکردن (15-64): 60.44%

65 ساڵ زیاتر: 3.66%

هەرێم كوردستان:

خوار تەمەن پەنج ساڵ: 9.92%

خوار تەمەن کارکردن: (5-14): 21.76%

تەمەن کارکردن (15-64): 63.92%

65 ساڵ زیاتر: 4.4%

پسای هاوسەرگیری 

وەپای ئەنجامەیل سەرشماری تەمەن مامناوەن هاوسەرگیری یەکەم  22.24 ساڵە، لای نێر 24.06 ساڵ، لای دویەت 20.7 ساڵ.

باوجی تەمەن هاوسەرگیری مامناوەن بریتیە لە 23 ساڵ ئەرا نێر و 20 ساڵ ئەرا دویەت.

بەشەوبوین دانشتگەیل وەپای بار خێزانی لە عراق:

سەڵت: 41.6٪

خێزاندار (نیر و ما): 54.01٪

تەڵاقدریاگ (نیر و ما): 1.28٪

بیوەژن و بی ژن: 2.8٪ 

جیابوی (نیر و ما): 0.24٪

 بەشەوبوین دانشتگەیل وەپای بار خێزانی لە هەرێم کوردستان:

سەڵت: 41٪

خێزاندار (نیر و ما): 55.83٪

تەڵاقدریاگ (نیر و ما): 0.66٪

بیوەژن و بی ژن: 2.18٪

جیابویە (نیر و ما): 0.33٪

رێژەی مردن و وەچەخسن

 سەرشماریەگە دەریخەێد رێژەی مردن داڵگەیل لە عراق ئەرا هەر 100.000 هەزار کەس لە تەمەیل 26.7 توومارکریایە. لە هەرێم کوردستان بەرزەوبوود ئەرا 34.3.

تێکڕای وەچەخسن لەعێراق 3.9٪ە

تێکڕای وەچەخسن لەهەرێم کوردستان: 3.5٪ـە.

بار ئابووری

دانیشتگەیل چالاک لە رووی ئابوورییەوە تەمەن 15 ساڵ وەروبان لە عراق 41.61٪ـە. لە هەرێم کوردستانیش 46.06٪ ە.

دابەشکردنی کارکەرەیل وەپای  کەرت کارکردنیان: فەرمانبەران لە کەرت حکومی و گشتی لە عراق 38.25٪ـە و لە هەرێم کوردستانیش 37.18٪یە.

پەروەردە

رێژەی نەخوەنەوار لە عراق (دەساڵ و زیاتر)  15.31%، لە هەرێم کوردستان بەرزەوبوود ئەرا 16.23%.

رێژەی خوەنەوارەیل کە هانە خوەنین وەپای قۆناغەیل  (سەرەتایی، ناوەندی):

کوڕ: 51.5%

دویەت: 48.5%

رێژەی خوەنین سەرەتایی لە عراق  88% ، لە هەرم کوردستان بەرزەوبوود ئەرا  93%.

یە رێژەی خاسیگە باوجی تا ئیسە بڕیگ مناڵ هەس پەیوەنی وە خوەنین سەرەتایی نەکردنە یا لەلی بی بەشن، وەپای وەزارەت پلاندانان عراق.

خزمەتگوزاری

 ئاوی نوشین:  87٪یان لە یەکەیل نیشتەجیبوین ئاو نوشین ئەرایان دابینکریاس  رێژەگە لە هەرێم کوردستان 82٪ـە. یە رێژەی خاسیگە، باوجی هێمانگ 13٪ی دانشتگەیل ئاو نووشین لە سەرچەوەی ترەک  دابین کەن.

کارەبا:  لە عراق 98٪ـە و لە هەرێمی کوردستانیش  93٪یە پشت وە تووڕەیل ستوین کارەبا بەسن.

 لە عراق 93% و لە هەرێم کوردستان و 93٪. پشت وە سەرچەوەیل ترەک بەسن.

چارەسەر گناڵخە:

%58 خێزانە عێراقییەیل گناڵهەیان لە ری کۆمپانیای گردەوکردن گناڵخە وەریکەن.

 13٪یان لەری سزان گناڵە، یەیش یەکیگە لەو هووکارەیلە پیسکەر کە هەڕەشە لە ژینگە کەێد

ئاوەڕۆ

  49٪ی خێزانەیل عراق و 44٪ی خێزانەیل هەرێم کوردستان پشت وە تووڕ گشتیی ئاو قورس (مەزرا) بەسن ئەرا قورتاربوین لە ئاو قورس  

یەکەیل نیشتەجیبوین: ئامارەیل چەسپنێد 72.15٪ هاووڵاتییەیل عراق خاوەن یەکەی نیشتەجێبوینن و موڵک خوەیانە. رێژەگە لە هەرێم کوردستان 70.16٪ە.