کەرکوک.. کوشیان پیایگ دۊای کەفتنی لەناو ئامێر بڕین بلۆک
شەفەق نیوز- کەرکوک
سەرچەوەیگ پزیشکی، ئمڕوو چوارشەممە، خەوەر دا لە کوشیان پیاویگ لە ئەنجام رۊداویگ دڵتەزن لەناو کارگەیگ ئەرا بڕین "بلۆک" لە ناحیەی ئەڵتوون کۆپری لە پارێزگای کەرکوک.
سەرچەوەگە ئەرا ئاژانس شەفەق نیوز وت، کە رۊداوەگە رۊ دا دۊای ئەوەگ کوڕ پیاوەگە وە هەڵە ئامێر بڕین بلۆکەگە لەناو کارگەگە خستە کار، لە مەوقەیگ باوگی لە نزیکی بۊ، ئەوەگ بۊە مدوو کەفتنی وەناو ئامێرەگە و تویش زەخمەیل سەختیگ هات کە بۊە مدوو گیانلەدەسداینی لەجی خوەی.
وتیش کە رۊداوەگە رەوشیگ لە خەمگینی لەناو ناوچەگە دروس کرد، لە وەختیگ تەرم پیاوەگە بریا ئەرا فەرمانگەی پزیشک دادوەری ئەرا تەواوکردن رێکارە یاساییەیل.
وەپای سەرچەوەگە، لایەنە پەیوەندیدارەیل دەسکردنە لێکۆڵینەوە لە رۊداوەگە ئەرا زانستن هۊردەکارییەیل و دڵنیابۊن لە مدووەیل رۊداینی، لەناو زانیارییەیل سەرەتایی کە دەسنشان ئەرا ئەوە کەن خستنەکار ئامێرەگە وە هەڵە بۊە.
