کەرکوک.. دەسگیرکردن 8 کەس و 3 ژن وە توومەت دزین کاڵا لە بازاڕ قەلعە
شەفەق نیوز ـ کەرکوک
سەرچەوەیگ ئەمنی، ئمڕوو یەکشەممە، خەوەردا هێزە ئەمنیەیل لە پارێزگای کەرکوک 8 توومەتبار دەسگیرکردن لە پرۆسەی وشکنین فراوانیگ لە بازگەیل دەێشت پارێزگاگە.
سەرچەوەگەوە ئاژانس شەفەق نیوز وت "مەفرەزەیل بەش کاروبار بازگەیل ئۆپراسیۆنیگ هویرد و خەسیگ ئەنجامدان ئەرا ناسنامە و توومار ئەو کەسەیلە لەری دەروازەی کەرکوک رەدبوون، لە ئەنجام هەشت توومەتبار دەسگیرکریا لە دویای پرۆسەی وشکنین دەرچگە فەرمان دەسگیرکردن و توومارەیل تاوانکاری دیرن، لە ئەنجام دریانە دەس لایەنە پەیوەنیدارەیل تا رێکار یاسایی پوڕیاگ وەرانوەریان بگیرێدەوەر.
لە رویداویگ ئەمنی ترەک جیا سەرچەوەگە ئاشکراکرد، هێزیگ لە پۆلیس کەرکوک توەنست سێ ژن دەسگیربکەێد وە توومەت دزیکردن کاڵا لە ناو بازاڕ قەلعە لەناوڕاس شارەگە.
سەرچەوەگە دیاریکرد، هێزە ئەمنیەیل دوان لە توومەتبارەیل مەوقەی ئەنجامدان دزی دەسگیرکریانە کە شمارەیگ لە ژنەیل بازاڕیکەر لەناو بازاڕ گەورەی کەرکوک (بازار قەلعە) وە ئامانج گردنە یەیش لەدویای وەدویاچگن و توومار جموجویلیان.
وتیش؛ توومەتبارەیل ئەرا بنکەی پۆلیس کلکریان و لێکۆڵینەوە وەگەردیان کریا ئاماڵەکریەن ئەرا وەرگردن رێکار یاسایی وەرانوەریان و کلکردنیان ئەرا دادگا.
