رەسین یەکەم بڕ لە واکسین کۆڕۆنا ئەرا فڕۆکەخانەی بەغداد

رەسین یەکەم بڕ لە واکسین کۆڕۆنا ئەرا فڕۆکەخانەی بەغداد
2021-03-02T06:52:24+00:00
شەفەق نیوز/ سەرچەوەیگ چەودێر خەور لە رەسین فڕوکەگە دا ک شەو دووشەممە بار واکسینەیل کۆڕۆنا ئەرا فڕۆکەخانەی ناودەوڵەتی هاورد.

وەگورەی قسەی سەرچەوەگە ئەرا ئاژانس شەفەق نیوز: فڕۆکەگە لە وڵات چین هاتگە و ٥٠ هەزار تاقەبەش لە واکسین سینۆفارم چینی بار کردگە.

ئی بڕە لە وڵات چین پێشکەشی وە عراق کریاگە، و گوایە عراق بڕەیلیگ تر لە واکسینەگە بسینێد.

لەلای خوەییش وەزارەت تەندروسی لە بەیاننامەیگ رەسیە ئاژانس شەفەق نیوز وت: دکتۆر حەسەن محمد تمیمی وەزیر تەندروسی وەگەرد باڵوێز چین جەماوەری لەلای عراق رێککەفتگە بڕ دوو مەلیۆن تاقەبەش لە واکسین سینۆفارم وە شیوەی زوینەیگ هەناردەی عراق بکەێد.

وەگەرد ئی واکسینە، عراق گریەبەسی لەبان سەنین ١٦ مەلیۆن تاقەبەش لە واکسین ئەستڕازینیکا و ١،٥ مەلیۆن تاقەبەش لە واکسین بیونتیک کردگە.

Shafaq Live
Shafaq Live