دياله كه‌ره‌نتينه‌ى نزيكه‌ى 160 كه‌س گله‌وخواردگ له وڵاته‌يل بيگانه‌وه كرد
شه‌فه‌ق نيوز/ ده‌زگاى ته‌ندروستى دياله كه‌ره‌نتينه كردن له‌بان نزيكه‌ى 160 كه‌س فه‌رز كرد ك له‌ده‌وڵه‌ته‌يل جياجياى بيگانه‌وه گله‌و خواردنه، ئه‌ويش له‌وه‌ر ريگرى له بڵاوبوينه‌وه‌ى ڤايرۆس كۆرۆناى تازه.
له‌ى باوه‌ته‌و، فارس عه‌زاوى وه‌ڕيه‌وبه‌ر ره‌سانن ته‌ندروستى دياله له باسيگ ئه‌را شه‌فه‌ق نيوز، وت: دياله وه دريژايى رووژه‌يل گوزه‌يشت پيشوازى له نزيكه‌ى 160 كه‌س هاتگ له 15 ده‌وڵه‌ت عه‌ره‌بى و بيگانه كردگه ك گله‌و خواردنه ئه‌را لاى كه‌س و كاريان له ناوچه‌يل جياجيا له پاريزگاگه له‌ڕێ گه‌شته‌يل جياجياى وه‌زاره‌ت گواستنه‌وه ئه‌را هاوردنه‌وه‌ى ئه‌و كه‌سه‌يله ك گير خواردنه له وڵاته‌يل تر.
عه‌زاوى هه‌ميش وت: كه‌ره‌نتينه له‌بان ئه‌و كه‌سه‌يله ك گله‌وخواردنه فه‌رز كرياگه ئه‌را ماوه‌ى 14 رووژ و زوورميان خوه‌ندكارن له‌وه‌ر سه‌ڵامه‌تييان، داوايش له شانه‌ى قه‌يران كرد پاريزگاگه وه ته‌واوى دابخه‌ێد و ريگرى له كردنه‌وه‌ى ئاشخانه‌و شوونه‌يل گشتى بكريه‌ێد.
