دووارە بەرزەوبوین نرخ دۆلار وەگەرد بەسیان بۆرسەی بەغداد و هەولێر

دووارە بەرزەوبوین نرخ دۆلار وەگەرد بەسیان بۆرسەی بەغداد و هەولێر
2023-02-08T15:03:38+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو چوارشەممە، وەگەرد بەسیان بۆرسەی سەرەکی بەغداد پایتەخت، و هەولێر پایتەخت هەرێم کوردستان، بەرزەو بوی.

پەیامنێر ئاژانس شەفەق نیوز وت: بۆرسەی کیفاح و حارسیە لە بەغداد پایتەخت، ئیوارەی ئمڕوو، لەبان نرخ ١٤٨٥٠٠ دینار عراقی وەرانوەر ١٠٠ دۆلار ئەمریکی دەرەیلیان بەسان.

شەوەکی ئمڕوو، نرخ ١٠٠ دۆلار ئەمریکی رەسیە ١٤٥٠٠٠ دینار عراقی.

پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد بەرزەو بوی، ک نرخ فرووشتن ١٠٠ دۆلار ئەمریکی رەسیە ١٤٩٥٠٠ دینار عراقی، و نرخ سەنینی رەسیە ١٤٧٥٠٠ دینار عراقی.

لە هەولێر پایتەخت هەرێم کوردستان، نرخ دۆلار ئەمریکی وەرانەوەر دینار عراقی وەگەرد بەسیان بۆرسە هەمیش بەرزەوبوین توومار کرد، ک نرخ فرووشتن ١٠٠ دۆلار ئەمریکی رەسیە ١٥١٥٠٠ دینار عراقی، و نرخ سەنینی رەسیە ١٥١٤٠٠ دینار عراقی.

Shafaq Live
Shafaq Live