دوو کوشیان و پەلامارداین ماڵ رووژنامەنووسیگ لە دیالە

شەفەق نیوز/ سەرچەوەیگ خۆجێیی، ئمڕوو شەممە، خەوەردا لە کوشیان دوو مەدەنی وە رووادوەیگ هاتوچوو لەبان ری کەربەلا.

سەرچەوەگە ئەرا ئاژانس شەفەق نیوز وت: پیاو و ژنیگ خەڵک قەزای خاڵس سەروە پارێزگای دیالە وە رووداویگ هاتوچوو لەبان ری بەغداد- کەربەلا لە مەوقەی رویکردنیان وەرەو مەزارەیل گیانیان لەدەس دان.

وتیش؛ تەرم دوو قوربانیەگە رەسیانە خاوەنیان لە دیالە.

لە چینیگ تر، سەرچەوەگە وتیش؛ ماڵ رووژنامەنووسیگ کەفتە وەر پەلاماریگ وە نارنجە لە شار بەعقوبە.

سەرچەوەگە ئەرا ئاژانس شەفەق نیوز وت: نەناسریایلیگ ناێنجەیگ خستنە ماڵ عەلی حوسەینی پەیامنێر ئاژانس بەغداد ئەلیەوم، ک زەرەدەیلیگ دارایی  رەسانە ماڵەگە وەبی تۆمارکردن زەخمداری ۆ

وەگورەی سەرچەوەگە؛ دەزگای ئەمنیەیلە لێکۆڵینەوەیگ لە رووداوەگە واز کردن.