دوو هەفتە وەبی مردن.. تووشهاتنەگان کۆڕۆنا لە دیالە کەمەو بوون
شەفەق نیوز/ فەرمانگەی تەندروسی دیالە، ئمڕوو دووشەممە، راگەیان وەردەوامی لە داوەزین رێژەی تووشهاتنەگان وە ڤایڕۆس کۆڕۆنا وەگەرد بەرزەوبوین رێژەیل خاسەوبویەگان وەبی تۆمارکردن مردن لە ماوەی دوو هەفتەی گوزەیشتە.
فارس خزەیر عەزاوی وەڕێۆبەر فەرمانگەگە ئەرا ئاژانس شەفەق نیوز وت: رێژەیل تووشهاتنەگان وە کۆڕۆنا لە دیالە لە ماوەی رووژەیل گوزەیشتە وە شیوەی گەورایگ داوەزیان، ک خوەی کەمترین ئاستە لەماوەی شەش مانگ گوزەیشتە، و ئاماژە کرد ک رێژەیل خاسەوبویەگان لە ٩٨٪ رەد کردن، و ناوەندە تەندروسیەگان نیمچە چووڵن.
عەزاوی دووپات کرد ک دیالە لە ماوەی دوو هەفتەی گوزەیشتە هیچ مردنیگ وە کۆڕۆنا تۆمار نەکردگە، و لە خود وەختەگە داوای وەردەوامی لە پابەندی وە ریکارە مقەیەتیەگان کرد و لە مەترسیەیل کۆڕۆنا ئاسانەو نکریەێد.
جی باسە ک گشت تووشهاتنە کەڵەکەگان لە دیالە رەسیە ٢٢٠٧٨، و گشت خاسەوبویەگان بوینە ٢١٥٧٩، و مردنەگان رەسینە ٢٧٣ کەس.
