دوو قوربانی و ٥ زەخمدار وە پەلامار داعش لە سەڵاحەدین

شەفەق نیوز/ سەرچەوەیگ ئەمنی لە سەڵاحەدین، ئمڕوو دووشەممە، خەوەردا لە کەفتن دوو قوربانی و ٥ زەخمدار فرەیان لە یەک بنەماڵەن وە پەلاماریگ لەلایەن داعش لەبان ماڵەیل قەزای زلوعیە لە باشوور سەڵاحەدین.

سەرچەوەگە ئەرا ئاژانس شەفەق نیوز وت: ئەندامەیل داعش، دوێەشەو لە وەخت دیریگ، وە چەک قەناس پەلامار ماڵەیل مەدەنیەیلیگ دان ک بویە هووکار کوشیان مامووستایگ خانەنشین وەگەرد خوەشکەگەی، و زەخمداری ٥ کەس تر فرەیان لە کەسوکارەیلی بوین لە ئاوای بو جواری لە دەورگرد زلوعیە.

وتیش؛ هێزە ئەمنیەیلە رەسینە شوین رووداوەگە و تەقە لە پەلاماردەرەیل کردن ک وەرەو ناو باخەیلە واین، و قوربانیەیلە وەرەو خەسەخانە بریان.