دوو زەخمدار لە حەشد شەعبی وە تەقینەوەیگ لە بێجی

شەفەق نیوز/ سەرچەوەیگ ئەمنی، ئمڕوو یەکشەممە، خەوەردا ک بومبیگ لە جیماگەیل ریخریاگ داعش تەقیە بان کاروانیگ سەربازی لە حەشد شەعبی باکوور پارێزگای سەڵاحەدین.

سەرچەوەگە ئەرا ئاژانس شەفەق نیوز وت: بومبیگ دانریاگ لە جیماگەیل ریخریاگ داعش تەقیەوە بان ماشینیگ حەشد شەعبی لە قەزای بێجی باکوور سەڵاحەدین.

سەرچەوەگە وتیش: تەقیانەگە بویە هووکار زەخمداری دوو ئەندام حەشد شەعبی.

رووژ جومعەی گوزەشتە، هیزیگ لە لیوای ٣١ لە ئۆپەراسیۆنەیل سەڵاحەدین لە حەشد شەعبی، دەسکردە ئۆپەراسیۆنیگ ئەمنی هاوبەش وەگەرد هیزەیل سوات لە ناحیەی سینەی قەزای بێجی.