دوو زەخمدار لە جەنگ شمشیر ودەسگیرکردن دوو دز لە باشوور عراق

شەفەق نیوز/ پارێزگای زیقار، ئمڕوو شەممە، چەن رویداویگ ئەمنی  وەماوەی ٢٤ سەعات گوزەشتە توومار کرد، لەلیان جەنگیگ وە شمشیر و چەقوو لە باشوور پارێزگاگە.  

سەرچەوەیگ ئەرا ئاژانس شەفەق نیوز وت مرافەیگ لە قەزای سوق شیوخ باشوور پارێزگای زیقار قومیا، لەبان بازی تووپان، رەسیە وەکارهاوردن چەقوو وشمشیر، ودوو کەس لەناوی زەخمدار بوین.    

دیاری کرد ک هیزیگ ئەمنی رەسیە شوین رویداوەگە، وزەخمدارەیل رەسانە خەسخانەیگ نزیک، ودەسکردە ریکارەیل یاسایی.  

لەلایگتر، بومبیگ دروسکریاگ تەقیە بان ماڵ ئەندامیگ ئەمنی لە قەزای رفاعی، وەبی زەخمداری. 

سەرچەوەگە وتیش: هیزیگ ئەمنی ئاگاداری لە یەکیگ لە هاووڵاتییەیل وەرگرد ک دزەیلیگ هانە ناو ماڵیگ، وهیزە ئەمنیەگە رەسیە شوینەگە لە حەی سەبیل لەناوڕاس شار ناسریە، و دوو دز لەناو ماڵەگە دەسگیر کرد.