دوو تیرۆرست مەترسیدار لە کەرکوک گیریان
شەفەق نیوز/ وەڕێوبەرایەتی هەواڵگیری سەربازی، ئمڕوو یەکشەممە، خەوەردا ک دوو تیرۆرست لە وەرپرسەیل پشتگیری لۆجستی ئەرا ریخریاگ داعش لە پارێزگای کەرکوک دەسوەسەر کرد.
لەبەیاننامەیگ رەسیە ئاژانس شەفەق نیوز وت: مەفرەزەیل شانەی هەواڵگیری و دژەتیرۆر سەروە وەڕێوبەرایەتی هەواڵگیری سەربازی، توێنستن دوو لە تیرۆرستە مەترسیدارەگان دەسوەسەر بکەن لە گەڕەک واحد ئادار و گەڕەک ئەسرا ومەفقودین لە پارێزگای کەرکوک، ودیاری کرد دەسگیرکردنەگە وە ئۆپراسیۆنیگ چینەیی و هەڵمەتی جیوەجیکریا وەگورەی زانیاریەیل ووردیگ.
ودیاری کرد ک دوو گریایەگە لەو ئەندامەیلەن ک پشتگیری لۆجیستی ئەرا داعش کەن لە حەشارەگانیان جوور خواردەمەنی وئامێرەیل پەیوەندی وچشتەیلیگ تر. و هەمیش هەردوگیان لەو کەسەیلەن ک جەنگ کردنە دژوە هێزە ئەمنیەگان وەرجە رزگارکردنەگە.
بەیاننامەگە ئاماژە دا ک دوو تیرۆرستەگە لە داواکریاگانن وەگورەی یادداشت دەسگیرکردن لە مادەی ٤ تیرۆر.
