دویای 15 ساعەت مینەکردن.. پەیاکردن تەرم زیارەتکەریگ لەناو پڕۆژەی ئاو مسەیب.. وینە
2023-08-31T09:31:43+00:00
شەفەق نیوز/ سەرچەوەیگ ئەمنی، ئمڕوو پەنجشەممە، خەوردار لە پەیاکردن تەرم گەنجیگ لەناو پڕۆژەی ئاو مسەیب خنکیایە، ئەوەیش دویای 15 ساعەت لە مینەکردن.
سەرچەوەگە ئەرا ئاژانس شەفەق نیوز وت: مەلەوانەیل پولیس ئاوی لە پارێزگای بابل، تەرم گەنجیگ خنکیاگ لەناو پڕۆژەی ئاو مسەیب دراوردن، ئەوەیش دویای 15 ساعەت لە مینەکردن.
دویای ئەوە، فەرماندەیی پولیس بابل راگەیان؛ تیمەیلی توەنستنە تەرم گەنجیگ خەڵک بەغداد پایتەخت درارن، کە مەوقەی مەلەوانیکردن لەناو چەم پڕۆژەی مهەناویە لە قەزای مسەیب باکوور پارێزگاگە خنکیایە، و ریکارەیل یاسایی جیوەجی کریا.
سەرچەوەگە دیاری کرد کە ئەو گەنجە لەڕی زیارەت چلەی ئیمام حسێن بویە ورەو کەربەلا.
