دویای زمسان گەرمیگ.. عراقیەیل چەوەڕی یەکەم سەردی جەمسەری کەن
2023-12-30T10:32:36+00:00
شەفەق نیوز/ نەخشەیل کەشوهەوا لە عراق، ئاشکرای یەکەم شەپوول جەمسەری نشان دا کە ئەوەسا دەێد لە عراق و ناوچەیل دەورگردی لەی زمسانە.
وەگورەی نەخشەیل کەشوهەوا، یەکەم شەپوول فرە سەرد جەمسەری لە ناوڕاس مانگ کانوون دویەم ٢٠٢٤ سەردەێدە ناوچەگە.
ئی سەرۆیە دویای زمسان گەرمیگ لەلای عراقیەیل تیەێد کە تا ئیسە عراق شەپوول سەردی وەخوەی نەیە هەرچەن مانگ تشرین دویەم و کانوون یەکەم تەواو بوین.
لەباوەت کەشوهەوای هەفتەی ئایندە، مەزەنەی ئاڵشتبوین گرنگیگ نییە، کە فرەی شارەیل وڵاتەگە پلەی گەرمی لەناویان جیگیرە، وەگەرد دەرفەت واران لە بیاوان سماوە و بەشیگ لە ناوچەیل ئەنبار.
