دویای تەواوبەین درفەت ١٠٠ رووژەگە.. موقتەدا سەدر تیەێدەو ئەرا عراق

شەفەق نیوز/ موقتەدا سەدر وەرپرس شەپۆل سەدری، دویەشەو جمعە، ئەرا عراق هاتەو، دویای چەن رووژیگ لە تەواوبوین  دەرفەت ١٠٠ رووژەگە، ک داگەی موستەفا کازمی سەرۆک وەزیران عراق ئەرا هەڵسەنگاندن کار خوەی و حکومەتەگەی.

سەرکردەیگ لە شەپۆل سەدری ئەرا ئاژانس شەفەق نیوز وت: دویەشەو جمعە، لە وەخت دیریگ، موقتەدا سەدر رەسیە فڕۆکەخانەی ناودەوڵەتی نەجەف، لە بەیروت پایتەخت لوبنان هاتگە، و روی کردە شوون نیشتەجیەەگەی لە حەنانە لەناوڕاس پارێزگاگە

سەرکردەگە وتیش؛ هاتنەوەی سەدر لەدویای چەن رووژیگ لە تەواوبوین دەرفەت ١٠٠ رووژەگە تیەێد، ک داگەی موستەفا کازمی سەرۆک وەزیران ئەرا هەڵسەنگاندن کار خوەی وحکومەتەگەی، ولە رووژەیل ئایندە ئەوەسا هەڵوێست و جوولەیلیگ بوود ئەرا سەدر و هاوپەیمان سائیرون، لەباوەت کار حکومەتەگەی موستەفا کازمی، وشایەت هەڵوێستەیلیگ جەماوەری لە لایەنگەرەیل شەپۆل سەدری، و ئەوە لەبنەمای ئەوەیگ لە سەدر دەرچوود لەماوەی ئایندەی نزیک .