ده‌سڵاته‌يل عراقى ئاشكراى گرتن دو كه‌س له‌و زيندانيه‌يله كرد هه‌يواين له به‌غدا
2019-08-04T09:12:01+00:00
شه‌فه‌ق نيوز/ ده‌سڵاته‌يل ئه‌منى عراقى ئاشكراى گرتن دو كه‌س له‌و زيندانيه‌يله كرد ك هه‌يواين له زيندانيگ له بنگه‌يگ پۆليس له خوه‌رهه‌ڵات به‌غداى پايته‌خت.
له‌و باوه‌ته‌و، سعه‌د معه‌ن قسه‌كه‌ر وه‌ناو وه‌زاره‌ت ناوخوه‌يى له به‌ياننامه‌يگ وت: هيزه‌يل ئه‌منى تويه‌نستنه ده‌سگير دو كه‌س له‌و گيرياگه بكه‌ن ك هه‌يواينه له بنگه‌ى پۆليس قه‌نات له ديم رسافه‌ى به‌غداى پايته‌خت.
جى باسه، يه‌يش له‌وه‌ختيگه زويتر سه‌رچه‌وه‌يگ ئه‌منى ئاشكراى كرد ك نزيكه‌ى 15 زيندانى تويه‌نستنه له‌ناو بنگه‌ى پۆليس قه‌نات له خوه‌رهه‌ڵات به‌غدا بهه‌يوان و هه‌ر وه‌و خاتريشه فه‌رمان لاوردن هه‌ريه‌ك له سه‌ركرده‌ى پۆليس به‌غداو وه‌ڕيه‌وبه‌ر پۆليس به‌غدا- رسافه و وه‌ڕيه‌وبه‌ر به‌ش پۆليس باب شێخ دريا وه‌ل ده‌سوه‌سه‌ركردنيان له‌ناو باره‌گاى وه‌زاره‌ته‌گه.
