گۆڵدمان ساکس مەزەنەنەیل ئەرا نرخەیل نەفت بەرزەو کەێد لە سای وەردەوامی جەنگ خوەرهەڵات ناوڕاس

شەفەق نیوز - بەغداد

بانک گۆڵدمان ساکس مەزەنەیل خۆی ئەرا نرخەیل نەفت لە کوتایی ئی ساڵە و ساڵ 2027 بەرزەو کرد،لەبان بنەمای بەرزەوبوین رخداریەیل کە هەڕەشە لە ئامادەکردن خام کەن، لە سای بەردەوامی لێکەوتەیل جەنگ لە خوەرهەڵات ناوڕاس.

بانکەگە، وەپای راپۆرتیگ کە ئاژانس بلۆمبێرگ ئەمریکی بڵاوی کرد، مەزەنە کرد نرخ خام برێنت بڕەسێدە 105 دۆلار ئەرا بەرمیل لە کانونی یەکەم/‌ش دیسەمبەر ئایندە， وەرانوەر وە مەزەنەیل وەرین  90 دۆلار بوو، وە زبوون 15 دۆلار ئەرا بەرمیل.

هەمیش بانکەگە مەزەنەیل خوەی  ئەرا ناوڕاس نرخەیل برێنت لە درێژایی ساڵ 2027 بەرزەو کرد ئەرا 88 دۆلار ئەرا بەرمیلیگ، لەوەختیگ وە زیایبوون 10% لە مەزەنەیل وەرین، وەگەرد چاوخشانن وە مەزەنەیل نرخ خام خوەرئاوی تێکساس ناوڕاس ئەمریکیش گردەوەر.

شیکارکەرەیل بانکەگە، لەناویانیان "دان ستروێڤن" و "یولیا گریمسبی"، دیاریکردن رخداری گەورەیل   کە وەردەم ئامادەکردن نەفتن بوینە مدوو چاوخشانن مەزەنەیل نرخەیل تا مەزەنەیل گۆڵدمان ساکس بچوودە پاڵ بانکەیل ترەک کە لەمەوقەی کۆتا چگە ئەرا بەرزەوکردن مەزەنەیلیان ئەرا نرخەیل.