داوزین لە نرخ خەرج دۆلار لە بەغداد وبەرزەوبوینی لە هەرێم کوردستان
شەفەق نیوز/ ئمڕوو یەکشەممە ١٨ی تەشرین یەکەم ٢٠٢٠ ، نرخ خەرج دۆلار داوەزیا لە بازاڕەگان بەغداد و وەشیوەی گەورایگ لە کوردستان بەرزەوبوی.
پەیامنێر ئاژانس شەفەق نیوز وت: بۆڕسەی کیفاح ناوەندی ئمڕوو، ١٢٥١٠٠ دینار عراقی وەرانوەر ١٠٠ دۆلار ئەمریکی تۆمارکرد.
بۆڕسەی حارسیە لە بەغداد ١٢٥١٠٠ دینار وەرانوەر ١٠٠ دۆلار ئەمریکی تۆمارکرد.
دوێەکە شەممە، نرخ خەرج دۆلار لە بۆڕسەی کیفاح رەسیە ١٢٥٧٠٠ دینار وەرانوەر ١٠٠ دۆلار ئەمریکی.
پەیامنێرەگەمان ئاماژەدا ک نرخ سەنین وفرووشتن و لە بازاڕە ناوخۆیەگان لە بەغداد داوەزیا ک نرخ فرووشتن رەسیە ١٢٥٥٠٠ دینار عراقی، ونرخ سەنین رەسیە ١٢٤٥٠٠ دینار وەرانوەر ١٠٠دۆلار ئەمریکی.
لە هەولێر پایتەخت هەرێم کوردستان نرخ خەرج دۆلار بەرزەوبوین گەورایگ وەخوەی دی ک نرخ فرووشتن رەسیە ١٢٥٧٥٠ دینار وەرانوەر ١٠٠ دۆلار، و سەنین بویە ١٢٥٣٠٠ دینار وەرانوەر ١٠٠ دۆلار ئەمریکی.
